العام راح ولا بقى غير ذكراه
واللي بقى منه ذكرى عظيمه
فيه الغلا وشلون أنا مقدر انساه
فيه الليالي والليالي يتيمه
فيه الحنان اللي حقوقي تمناه
فيه الغرام اللي سكني نديمه
واليوم جتني هالسنه كيف ابلقاه
وغيم الشقا هتان مزنٍ وغيمه
عساه تبقى مع حبيبي ولمراياه
وتبقى لنا هاك السنين القديمة
على عهود ماضيات اتحراه
واطلب عسى رب الخلايق يديمه
هاك الحبيب اليا ابتسم في ثناياه
حتى الثواني في يديها حشيمه
القاه انا دمعٍ تناثر ولا جاه
مثل الندى فوق الغصون الهشيمه
ما طيق انا فرقاه يا شين فرقاه
في غيبته حتى المعاني لئيمه
لا غاب عني عشت بأحلى مزاياه
انه علي شاني تحدى الظليمه
