يا بوي دور لي مع البدو جبار
يجبر عظام ساريات عليه
وارجلي اللي ما تغثي على الجار
ولا أحد شكا منها الدروب الرديه
عاداتها تثني ليا شبت النار
وان خفت الاقدام تثقل شويه
ثنيتها خلف الركايب والاسعار
لين اعطبوني عزوة العبدليه
رماني اللي للمناعير سبار
من كف ابن جبرين حام الونيه
وانا خذيت اقضاي يوم الملح ثار
ذبحت شيخ القوم مدري حليه
واقفوا هل العادات والجيش عبار
ما منهم اللي يلتفت في خويه
من ضرب شلفا قيسها خمسة اشبار
كم خير منها كسنه دميه
وسحمان انا بنصحك عن بعض الاشوار
بعض المشاور تخر المنقديه
والى تلاقن الوجيه اغد صبار
واصبر على شيل الحمول القويه
