ذكرى الغلا تنعاد في كل جمعه
مهوب ضعفٍ في.. لكني اغليك
ياللي زعلت..احتار بالعين دمعه
وكرامتي تخفى الشَّره من تجنيك
ان اقتنع فكري.. غدا السمع سمعه
صلبٍ عناده.. والاشارة تكفيك
جرح.. وقرار.. والمنى ذاب شمعه
صدقني.. مهما صار باقبل تحديك
كنت الطموح.. وبرقة القلب طمعه
كنت الحنان.. ونبضي متعلق فيك
ومن أولٍ نجم الغلا شاق لمعه
واحيان يثور الشعر.. وأقصد.. وأناديك
كل العنا.. بي.. تقدر اليوم قمعه
بحلٍ يراضيني.. ولازم يراضيك
