عسى ربي يعاونا على الايام يا سلطان
يجنبنا عن اليوم الغبر والشك والريبه
سواليف العرب ما غير راح افلان قال فلان
علوما لو تميزها من النمة اللي الغيبه
هذا وقت المغثة والنفاق وقلة الايمان
يحيا بالرجل وليا مشى حشت عراقيبه
عسى الله ما ينزلنا تعالى منزل الحقران
نصد عن الردي ونجازي الطيب على طيبه
ولا والله ننزل رووسنا لو كثر العدوان
ليا كثروا نزود وتصدق الوقفات والهيبه
صديقا ما تفز لشوفته ما هو من اصدقان
عسى سود الليالي تقلعه دايم وتنحيبه
ما دام انه بجنبك ما يقيف ان ثور الدخان
لو انه يعتزي وقت الرخا بخته على الخيبه
مثل ما قاله الاول شبيه لطير بن برمان
على راعيه يلفي كل طلعة شمس بمصيبه
خبيث السان ما يقدر ومع هذا قليل احسان
على ما قيل يا عذربت ما تحصى عذاريبه
