يا عيوني وش لزومه في دموعك غارقه
ريحيني من دموعك واتركي عنك الهبال
عزتي مكسب حل بي مثل شمس شارقه
مارضيت الذل مره في حرام وفي حلال
ولاتبعت اللي يقفي لو يلوح بارقه
نذر برقبتي عليه لا أقطع حبال الوصال
سهم غدرة يا عيوني وسط قلبي خارقه
كيف تبكينه لعلك للعمى والا الهمال
كفي أبرك دمعك اللي فوق خدي حارقه
شومي أحس عن دروبه دامني مرتاح بال
وش يبي مني وقلبي من قديم سارقه
ما كفاه أني لعينه جيت هاوي للقتال
بايعٍ روحي عشانه كل دربٍ طارقه
لا بغى مشي يمين ولا بغى يمشي شمال
ميرما فاده جميلي لا وعينٍ غارقه
في دموعٍ مثل غيمة سيلت وادي وسال
ومن نساني يا عيوني والله أن أفارقه
لو ملك زين الوصايف وانضرب فيه المثال
