اطلب وانا كلي من أجلك قوافي
كلي شعر والنفس لا امرك رهينه
سمح القبال اللي من الهم شافي
يامر عساني فدوة في سنينه
الشعر يازينه بشروى السنافي
وشعاد من يملك رقبتي يدينه
والشعر مهما قلت لو كان وافي
يحتار بس بما تمده يمينه
وديوان شعري فيه ما هوب كافي
من لحظة حطيت عيني بعينه
حسيت كنه حلم يجتاح غافي
وده يعيش الحلم من كثر زينه
كن السما عيني وجفني لحافي
صحيت وألا القلب طار لحنينه
هلا قبل تنطق بحرف الا شافي
وعشب الحيا ما حال بيني وبينه
غصب علي بينت ما كان خافي
اثر حياتي قبل اعرفه غبينه
لو كان شعري در ياقوت صافي
اتهازله لا جات عيني بعينه
