علام عيني فارقت لذة النوم
ولاهتنت في نومها عزتالي
سهران ليلي ما تهنيت بحلوم
حلم الغفا ما عاد يطري ببالي
وفكري مشتت مثل ترحالة القوم
قوماً جرفهم سيل داني وعالي
والبال ضايق امتكدر ومهموم
ودموع عيني فوق خدي همالي
مما طرالي قلت مرحوم.. مرحوم
يامن على فرقاة تبكي العيالي
مرحوم يا خالي عدد مابة نجوم
وعداد ما هبت هبوب الشمالي
وعداد ما صلوا وصاموا هل الصوم
وعداد ما يطلع قمرنا هلالي
يالله عساه بجنتك يالولي دوم
ومتهنين بالنهارها والظلالي
وتسقية كاس المسك بالختم مختوم
بختم الولي اللي خلق كل حالي
وتغفر له الزلات يا والي القوم
يا عالم سر الخفاء والزوالي
ما ينسى طيبة وكاداً ومعلوم
يشهد على فعلة عظيم الرجالي
نبكي على فرقاه يوم بعد يوم
غصباً علينا لو بكيناة غالي
يالله يا منشي السحايب والغيوم
تمطر على قبراً سكن فيه خالي
ويالوالدة هذا المقدر ومقسوم
واللي كتبه الله ما به مجالي
