ابضحك كاتمٍ غيظي واقاسي من عنا الونات
وانا ادري ما بقى فيني جلد لاوجاع ونّاتي
وأشوف الليل بوجودك سكونٍ أقطعه بسكات
وأحس اني بعشرتنا أكفّر فيك زلاّتي
أغيض النفس وأغيضك واحقق فيك حب الذات
واسامح نفسي بظلمك وذوقي من معاناتي
شربت الكاس ما عفته.. من ايدينك بوقتٍ فات
تجرعته.. تجرعته.. وازيد بقولتي هاتي
صحيح أشرق.. ولكني أبد ما اشرق من الجرعات
شرقت بعبرةٍ وحده لجت من بين عبراتي
أناظر لك زمان أول وابي منك الغلا نظرات
وجا هاليوم وتشوفين همك وسك نظراتي
خساره وقتي أهديتك وجيتيني على الفرغات
أبحرق فيك ذكرانا.. إلا لحتي بفرغاتي
