القلب عقبك يا هوى البال مجروح
وجرح المحبة ظنتي ما يطيبي
أون من فرقاك يا زين وأنوح
وأسامر النجمات حتى تغيبي
ممكن ترد الروح يا غاية الروح
روحي معك في حبها يا حبيبي
ولا طريق العشق ما فيه مصلوح
الباقي الباقي نصيبي نصيبي
لو كنت بأسراري على الناس ما أبوح
أخفيت ما عندي لوقت المشيبي
يكفي جفا يا زين وأقول مسموح
الحال عقبك مثل حال الصويبي
حال الصويب اللي على القاع مطروح
طريح قوم وفيه جرحٍ عطيبي
يا زين رد الروح قدام لأروح
يا غايتي قدام شمسي تغيبي
