الحمد للمعبود في كل الأحوال
والشكر لك يا عزيز الجلالي
يا الله توفقنا على زين الأعمال
يا الله يا والي على كل والي
يا شيخنا المحبوب يا طيب الفال
سالم من الاخطار أول وتالي
طلعتك يا وجه السعد تسعد البال
شيخ الرياضيين في القلب غالي
انت المؤسس صانع كل الابطال
محبتك في كل بيت هلالي
أبو مساعد رمزنا شيخ الاجيال
راع التواضع والأدب والمثالي
بالفعل طيبك ما كسبته بالأقوال
يشهد على ما قلت كل الرجالي
طهور يا رمز الوفاء يسلم الحال
يا مضرب الأمثال لاجا مجالي
حطيت لك في داخل القلب منزال
يأمن مع الأزرق سهرت الليالي
هذا الزعيم اللي على الكل يختال
أبو مساعد رافعه فوق عالي
إلكم من الجمهور تقدير وإجلال
غرب وجنوب وشرق والشمالي
عز الله انك في المواقيف رجال
يا شايل هموم الزعيم الثقافي
وصلوا على محمد وعدد وبل همال
من طلعة الإشراق حتى الزوالي
