حسبي الله على أوراقٍ قديمه معي
ذكرتني بماضي واحسب اني نسيت
ما خطر لي على بالي يزيد وجعي
ذكريات ترجّعني عقب ما انتهيت
جفّ مني عقب فرقاك ماء مدمعي
استرحنا بغيابك.. المصيبه وجيت
كنت اشيلك بعيني وآوهبك مسمعي
وش تبي غير قلبي وانت قل وش عطيت؟
من بغاني أكيد انه يصير تبعي
كل حي بعيوني حي والميت ميت
القصايد حرقته دام مابك وعي
لا تفكر أبكتب فيك لو ربع بيت
العبي في حياتك وامرحي واشبعي
غيري انتي لقيتي وأنا غيرك لقيت
