وجدي على اللي كل يوم جديدين
من دونهم حالت نفود الزبيره
اخوان ( شما) حزة العسر واللين
سكان ابا دود قصيره خشيره
ان جاهم الخاطر تقول متواصين
كل على الثاني يبته بجيره
يقلطون الحيل فوق المواعين
اهل الندا لاجت سنين عسيره
ياما نصاهم من ضيوف مقلين
لاجت ليال الصيف من كل ديره
بزروعهم كن الضعافي خشيرين
هاذي لهم من بنية القعد سيره
لا كمل الماجود جابوه بالدين
دون الوجيه يدورون الستيره
