لاهوب متكبر ولاهوب مغرور
حط الولي فيه التواضع مزيه
فيه الحلا والزين والملح له دور
فيه الوفا والصدق واخلاص نيه
كريم في وقت به شحاح ودهور
ولاهوب منان إذا أعطى عطيه
له نظرة ترميك وتصير مأسور
صوابها بين الضلوع الحنيه
لا يفيد بك طب ولا يفيد دكتور
ولا يفيد بك عشبه ولا يفيد كيه
حورية في وصفها وأجمل الحور
بين الأوادم ما لقينا سميه
في خدها جنة بساتين وزهور
حتى القمر ياخذ من الزين ضيه
هذا حبيبي كله احساس وشعور
مشاعره مثل النسايم نديه
ما ريد غيره لو عطوني به قصور
ولا حسابات البنوك الغنيه
أدري يبيني لكن الزين مجبور
حده زمانه والظروف العصيه
يا الله ياللي منزل الكهف والنور
يا عالم بأسرارنا والخفيه
انك تعين اللي مفارق ومقهور
تجمعه في خله الين المنيه
