طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مره
انت البدايه والنهايه ولولاك
لا ماعرفت الحب خيره وشره
افراح قلبي يوم طلة محياك
وكان السرور بشوفتك والمسره
ومهما عليّ اخطيت ماذكر خطاياك
واحفظ لك المعروف مثقال ذره
والمستحيل اسلى مع الوقت وانساك
ياكود ترحل من سمانا المجره
