لا تعاند مشاعر تغرق بحورها
انفض اللي بضميرك اسمعه واستزيد
دمعتي في صدودك مدت جذورها
يوم قلت اكتبيها في حنينك نشيد
اسمع آخر قصيدة وافهم شعورها
لا تساير هواك وخل قولك سديد
حبها لو تغيب.. واشتري حضورها
مو بكيفك تكابر.. بل بكيفي اكيد
تشتهي لحظ عينٍ تفضح ستورها
ابتعد عن حكاية شرحها ما يفيد
المشاعر تفيض وتغرق بحورها
شي واحد بقوله.. خل موجك يهيد
تضوي عتمة فلاك وتشرق زهورها
نقشها حد سيف وجمرة لو تقيد
أي كلمة بشعري تجهر بنورها
كيف يطفيه ليلٍ بك ظلامه شديد
يحرجك في حلاها شدة غرورها
انا لحظة غروري يشتعل بي القصيد
ما أبي أعطيك هيبه فاحت عطورها
وانا عقد يعاند.. له من الشعر جيد
لا.. ولا أقبل خطاك وحاسب شعورها
انا أدري بقصيدي من شويعر عنيد
ما انتظر من مثيلك يجبر كسورها
لك قصيدٍ قديم.. ولي قصد جديد
هذي رعشة خفوقٍ عالي سورها
لو ابا اتبع هواها لا أجرحك بالوريد
