يا كاتب عن بعض الاوضاع تقرير
ياطول ليلك لي لياليٍ قديمه
وانا اتصبر في بحور التفاكير
واربط حبالي في حبال العزيمه
ارجي من الخلاق حسن التدابير
محي العظام الباليات الرميمه
بين العلوم الواردة والمصادير
الدرب واضح والمبادي سليمه
اليا بغيت اعبر الشعر تعبير
بنات فكري جت تسابق محيمه
اسرع من الهوجاس واحذر من الطير
واحرص من الخصم المغل الخصيمه
في ماقفٍ مافيه نجده من الغير
العقل نعمه والمعرفه غنيمه
المسك مايوصف على ريحة الكير
الفرق شاسع والمخاشا ظليمه
بعض المجالس سوّ وفراقها خير
فيها تدور المهزلة والنميمة
والحل واحد يالوجيه المسافير
تجنيبها يحمل فوايد عظيمه
هذا الصحيح وللمعاني تفاسير
والخاتمه يا اهل العقول الحكيمه
مافيه شك ان الليالي معاشير
ما ماتت الدنيا ولا هي عقيمه
