الله من هم بكبدي سعرها
دلى يمل القلب مل الشواتي
وش خانة الدنيا سريع دورها
لو اقبلن سنينها مقفياتي
من عقب ماني مقفي عن نحرها
اليوم بين القين هو والحذاتي
ومن عقب ما نلبس غرايب شهرها
من فوق قب عندنا مكرماتي
يوم ان خيال الندم ما قصرها
عمن جذت به نفهق الاولاتي
واليوم طيبنا على الشيل مرها
يا حيف ما نستاهل المعسراتي
حلال عقدات كبار عبرها
وخالق نجوم بالسما ساهراتي
ما مال الا فارغ من زبرها
ولا حي الا مقتفيه المماتي
يا رازق اللي ما بعشه ذخرها
طيور الهوى في قدرتك عايشاتي
تفرج لمن عينه تزايد سهرها
الطف بنا يا عالم الخافياتي
ياللي خلقت اقفارها مع بحرها
يا من بحكمك تجري الكايناتي
اوجست من حر الليالي سعرها
وذكرت طيب ايامنا الفايتاتي
