الله يعزَّ المملكة والله يذل الحسود
والله لا يكتب حياة العز لأضدادها
والله يعزَّ اللي حكم فيها من آل سعود
عز الله إنه بالشريعة والشرف قادها
عدونا عينه على ما قال تخطف بعود
ربي حمى الدولة عن أعداها وحسَّادها
إرهابكم ياهل البدع وش فيه دلَّى يزود
وأهل الرذيلة كل يوم تزود أعدادها
إرهابكم وأفعالكم تشبه فعول اليهود
لا عادها قومة هل التخريب لا عادها
المملكة هي دولة الإسلام وأرض الجدود
فيها بيوت الله وربي بالرخا زادها
المملكة بالدين يا جاهل تقيم الحدود
تمشي بشرع الله.. وشرع الله هو عمادها
المملكة فيها رجالٍ بالملاقي أسود
ونفوسهم تبغى المعزَّة ماحدٍ كادها
عندي على ما قلت يا للي ما تصدق شهود
والناس تكسب طيبها بالجد وإجهادها
