من الكويت إلى الرياض العذية
بأعيادهم نهدي لهم ورد وأزهار
خص الملوك أهل النفوس السخية
فهد وعبدالله هل الجود والكار
والأسرة اللي كلهم من سميه
يا عل والدهم بعيد عن النار
عبدالعزيز وحافظين الوصية
بالسيف طوع كل مشرك وكفار
نحبهم والله شهيد عليه
هم مزبن المضهود بالموسم الحار
تزيني يا مملكتنا البهية
للي حموا حبك من الذل والعار
أهل السياسة والعزوم القوية
تعرف مواقفهم ليا صار ما صار
شومي لأبو فيصل معز الرعية
اللي يهابه كل طاغي وجبار
من عندنا لاخوان نوره هديه
نزفها عبر الصحافة بالأشعار
عسى تجيهم مزنه عقربيه
تسقي أراضيهم هماليل الأمطار
ان ربعت كل الفياض المرية
يا زين في خدانها لوح نوار
حماهم الله من أسباب المنية
يا علهم في كل الأوقات عمار
أم القرى ببلادهم له بنيه
هي قبلة الإسلام في كل الأقطار
مواقف آل سعود ما هي خفية
هم درعنا الضافي بعيدين الأذكار
الله ينصرهم على كل فيه
بجاه خلاق البشر وال الأقدار
لكم الفخر يا عزوة الوائلية
من ساسكم وانتم سلاطين وأمار
هم كيف ننسى فضلكم والحمية
يوم دشى بلادنا كل غدار
أنا دخيل الله يوم المنية
مطلوبنا الجنة وعتق من النار
مع كل طلعة شمس نهدي تحية
عداد ما ينبت مع البر الأشجار
والختم صلوا كل صبح ومسية
على محمد كل ما حل تذكار
