من ترجيف الدجاج إلى ترجيف الجمهور

حامت كبدي من هالقنوات الفضائية اللي كل يوم والثاني طالعين لنا ببرنامج مستنسخ من برامج اجنبية مضمونها سخيف وساذج وتنادي للانحطاط.
بعد المهزلة اللي شفناها في السوبر ستار طلع لنا برنامج الهوا سوا وما امدانا نصحى من صدمته الا جانا برنامج ستار اكاديمي وخلانا نصفق يد بيد ونحوقل على وصول التفكير العربي الى هالمدى من التخلف طبعا البرنامج يتكون من مجموعة طلاب ف مدرسة اكاديمية (يسمعون بالمدرسة) ما عندهم سالفة ابد كل شيء مصطنع فيهم ما غير يدوجون بها لبيت لا شغل ولا مشغلة ولاجا تصويت وطلع منهم احد تقولون بيودون اللي طلع للقصاب صياح ونياح مالها اول ولا تالي عاد من القهر لقيت نغمسي اصور مشهد من حلقة اكاديمية شواطئية وحبيت نعيش بين دعاسيقها.
لقطة للكاميرة وهي تعرض اجزاء البيت الشايب وائل هناك منجطل على ظهره وحاط رجله اليمين على رجله اليسار (قل رجل على رجل وخلصنا) ويلعب بكراش وكل شوي نسمع كلمة اللعبة اللي توسع الصدر (بودي قااااا) لتنشق ابتسامة وائل بعد ما شاف الكاميرة كل هذا بيتميلح بسن الذهب.
حصيصه قاعدة عند المقرصه متربعة وتقرص بحكم ان ام المخرج عندها عزومه وطالبتن منها قرصان لزوم تخلصهن قبل المغرب.
ولقطة من الكاميرة على اناملها المحمره من كثر القشع في ظل صرخات الكوي من المقرصه ( من قال لها ما تقشعهن بسكروب).
في المطبخ تعكس لنا الكاميره الشاب اللطيف وهو يصلح قرص بيض ويقلب فيه بحيث انه يرفع القرص لين السقف ويرجعه للمقلا مرة ثانية بحركه مهارية ومن مواهبه في الطبخ انه يصلح قرص عيون وقرص عين وحده وقرص يغمز وهذي الموهبة راح تفيده فيه الاكاديمية واذا رحنا للصالة لقينا البنت صوفيا حاطه رأس خويتها على رجلها وقاعدة تفلي في رأسها وتغني لها مقاطع صبيانية بصوت جبلي عذب: