أنا إلى من الملا نومهم طاب
نصبت كوعي واعتبرته مخدّه
عفت المنام ودك بالقلب دولاب
وسرى بي الهوجاس ما أحرزت ارده
اشوف شوفٍ ما تغطيه الأسلاب
شفته وكل الناس غيري تعده
شفت التعالي والتفاخر بالأنساب
وشفت النفاق اللي بعد فاق حده
والهمس والتسويف وإطلاق الألقاب
مهنة بعضهم طول يومه وغده
والغش والتدليس والمكر ما غاب
عادات جتنا توها مستجده
وتشوف لك حاسد وحاقد وكذاب
له ساعي يسعى على كسب وده
محشوم ومقدر ومن ضمن الأحباب
أمين سر يجيد هاته ووده
وشر العداوة شاع من بين الأقراب
أقرب قريبٍ يلعنه صلب جده
ينفر من الداني ويضحك للأجناب
ويجزي قراباته بهجره وصده
يزعل ولو أن الزعل ما له أسباب
ويهدم ولا يبني جسور المودة
لو تنصحه ما أقام لك وزن وحساب
يقول منك الرأي أنا ما أستمده
وقت تساوى فيه غالب وغلاب
ما تعرف الطيب ومن كان ضده
واستثني الأجواد وأصحاب الألباب
ومن يتصف بالطيب والطيب قده
يالادمي تب قبل ما يوصد الباب
وازبن على من ترجي الناس مده
الواحد الفرد الصمد رب الأرباب
من أخلص له النية حشا ما يرده
لا تغرك الدنيا ترى الموت وثاب
لا جاك ما تقدر بسيفك تصده
وصلوا على المختار ما خط بكتاب
وللآل والأصحاب كثره وعده
بتال فلاح الجاسر السهلي
ينفر من الداني ويضحك للأجناب
ويجزي قراباته بهجره وصده
يزعل ولو أن الزعل ما له أسباب
ويهدم ولا يبني جسور المودة
لو تنصحه ما أقام لك وزن وحساب
يقول منك الرأي أنا ما أستمده
وقت تساوى فيه غالب وغلاب
ما تعرف الطيب ومن كان ضده
واستثني الأجواد وأصحاب الألباب
ومن يتصف بالطيب والطيب قده
يالادمي تب قبل ما يوصد الباب
وازبن على من ترجي الناس مده
الواحد الفرد الصمد رب الأرباب
من أخلص له النية حشا ما يرده
لا تغرك الدنيا ترى الموت وثاب
لا جاك ما تقدر بسيفك تصده
وصلوا على المختار ما خط بكتاب
وللآل والأصحاب كثره وعده
