ترى الزمان اللي ضحك لك ونسَاك
مادايم الا وجه رب العبادي
اتبع هوى نفسك وحاسب على اخطاك
خل الغلا يصبح مع الوقت عادي
تشوف بالعالم وتلقى بدنياك
لابد به يوم تعرف الوكادي..
ترجع تحنن لماضي ايام ذكراك
لا غابت الفرحه وصارت سوادي
اذكر زمانٍ فيه حبيت لقياك
واذكر زمان فيه كان ابتعادي
اذكر ملامح وحشتك يوم فرقاك
واذكر بقايا شوق في حزن غادي
واذكر قصيٍد كان للحب علاَك
واذكر خفوق بالغلا لك ينادي
واذكر هدايا الشوق من عشقه اهداك
واذكر غرام كان حالم وهادي
واذكر عهد وافي (فلا عشت ابنساك)
واذكر عيون ما هناها الرقادي
واذكر ليالي ماضيه عشت واياك
واذكر جروح دامية في فؤادي
واذكر زمانك لا نسى يوم قسَاك
لا من ذكرته ما تناسى ودادي..
