البلاوي شرحها يمكن يطول
باللتي أحسن أحاول أدفعه
كلمةٍ تاتيك من ناس خبول
كذب أذنك ما كأنك تسمعه
الحياء من الدين والطيّب خجول
كلمةٍ تطلع وعشرٍ يبلعه
جعل عمر اللي بهتنا ما يطول
يجدعه ربك بأمرٍ يردعه
كل حيٍ غير وجه الله يزول
والحيايا تموت وسمومه معه
والسوالف لِمضت صارت سمول
مثل ثوبٍ لا تسمّل نجدعه
والمشاكل نصفها ماله حلول
نسبة اثنين على كل اربعه
والعنب حامض على اللي ما يطول
قالها العاجز بوسط المزرعه
انتهينا لا تقول ولا نقول
كلمةٍ قلته ثمنها تدفعه
