كل ما طابت هجوسي قمت اسولف للزوايا
عن فتاةٍ كل يملى صوتها صمت المكان
عن فتاة غير كل اللي قرينا بالحكايا
صمتها طيش وقصيد وطيشها صمت وامان
باقي فيها من اللي في طفولتها بقايا
شيطنه ضحك وسوالف رقة شعور وحنان
كم تزاعلنا وكلٍ ينتظر دمح الخطايا
ثم نسكت والفضة تعتبر ضمن الرهان
لين ما تنهي زعلنا ضحكة بين الشفايا
ضحكة غابت ولكن شانها مازال شان
مترفه خلت دلعها صورة وسط المرايا
وين ما لديت فيها شفت ضحكات الثمان
بس يا ذاك الخفوق اللي تجليك الحنايا
شد عزمك لا تخاذل ما يطيح الا الجبان
ما لك الا ذكرياتك وانت من بين الهدايا
عالي يعلا مكان غالي ما يوم هان
كل ما خلت وراها غالي ريم الصبايا
والله اني من غلاها رحت واغليت المكان
