قلها من اول يا حبيبي وارتجك
وشلون كاتم طول هالوقت سدك
صافح كفوف الخاطر اللي يصافحك
ما نيب والله محتري مد.. يدك
لا تحسب اني لا تكلمت فاضحك
صعبة اخون اليوم عهدي وعهدك
بعض الحكي لامن نطقته يفرحك
وبعض الحكي دونه سكوتك يحدك
قل لي، ترى ذا الوقت ما هو بصالحك
وانا معاك اليوم مانيب ضدك
مادمت بفهم غايتك من ملامحك
عبر عن احساسك وعن كل قصدك
فاتحني بموضوع قلبك وافاتحك
لا تستحي.. ما عاد شيٍ يردك
يمكن ابادلك المشاعر واصارحك
ويكون ودي، مثل ما كان ودك
حرام هالكتمان والصمت يجرحك
يكفي وصلت اليوم بالصبر حدك
