يا العيد يا كثر ما مريت در السنين
ويا كثر يا عيد ما مروا عليك البشر
ما نذكر فلان وابن فلان والميتين
وما تذكر أيامك الحلوة بوقت عبر
وما تذكر فلان قلنا له من العايدين
واليوم عيد لوحده وسط هاك القبر
والله يا عيد نفرح وكم بنا من حزين
وكم واحد يبتسم همه بوسط الصدر
ياما كثيرين شفناهم من الحاضرين
وفي قلوبنا كن واحدهم علينا مامر
وياما حبايب نسيناهم وهم ذاكرين
وياما نسونا حبايب مع طلوع الفجر
تمر يا عيد فينا من سنين وسنين
والمقبلة مثل هذا اليوم ما ادري تمر؟
وإن كان متنا فهذا يومنا والقدر
