من يلوم المحرر يوم ينخى القصايد
يطلب اللي لهم بالشعر صوله وجوله
يطلب الشعر واهل الشعر قولٍ وكايد
يرسمون الجهود اللي تقدم ذهوله
في سبيل الحجيج وما يقدم رفايد
من يدين المليك اللي يدينه بذوله
الوطن كله من اقصاه لا ادناه رايد
وفايز بخدمة الحجاج واللي يعوله
خدمة ضيوف ربي عندنا اكبر عوايد
تمشي بدمنا الخدمه لهم والسيوله
كلنا بالتكاتف وضعنا وضع قايد
لين هالمملكه فازت على كل دوله
واذهلت كل من شاهد جديد البنايد
والله ان يعجز الشاعر بوصفه يقوله!!
ديرتي همّها تقديم كل الفوايد
في سبيل ان ضيف الله يلاقي حصوله
لين يلقى الرحابه والسعه والمدايد
من رحاب الحرم حتى يصل للحموله
وفي( منى) يا حلو صف الخيام الجدايد
ضد كل الحرايق صنعوها بسهوله
ياقف الوصف حاير والقلم والجرايد
والله ان ياقف الواصف بعرضه وطوله
عاجزٍ لايبين كل خدمه.. تزايد
من حرم مكه الغاية مدينة رسوله
ومن يلوم المحرر لو يناد القصايد!!
ينبض الحب قلبه للوطن والبطوله
