للمواجع ليل أظلم في طريقي كم سريته
لا تحسب أخطائي ودروبي على المسرى كثيرة
يا شقا دنياي يا حظي وجرح ما بريته
أن عطيتك كل وقتي ياعسى في الأمر خيرة
آه لو دنياك تعطيني وتذكر مانسيته
وأنت قلبك لا ذكرني يا حبيبي تستشيره
السوالف عنه تحكى لي وأنا ارسم سقف بيته
لأنقشع كحل العيون ولا فتح للصبح سيره
كل ما يطغى دلالك ما ذخرت الا عطيته
صاحبك وأنته مشاويره معه في كل ديره
وأن نشدني عنه همالي جحدت ولا طريته
وأعترفله كل ما شرفتني في كل سيره
طول الله بال محبوبه وعمر اللى هويته
لا هدمت أحلام هوجاسك هدمت أحلام غيره
هب نسناسه وأنا عيني تخيله ما سليته
يا هبايب نجد زوريني ولي كلمة قصيره
ودي أملك خوته وأملك زعله ليا جفيته
يعلم الله وش كثر زلاته بقلبي كثيرة
