قريت قافٍ بالمدارات حساس
من شاعرٍ بالقاف قافه رهاوي
دحام ما قلته فلا فيه لولاس
وانا على ما قلت شفت البلاوي
يا ابن بدر قولك على العين والراس
والشعره اللي قلت فيها ملاوي
ترى العمد للبيت يحتاج لمراس
ولاكل صاحب صحبته للعلاوي
ولازالت الدنيا مليه بالأوناس
دوراتها يالقرم فيها حكاوي
كم واحدٍ يجرع بها المر بالكاس
ولا يوم تصفي للملأ بالتساوي
بهذا الزمن لا تغترب فيه الأعماس
بالعولمه كثرت علينا الفجاوي
بعض الملأ يفرح ليا جاك هوجاس
كنه بصفك والحقيقه عداوي
لا شايف طيبٍ ولا هو بعساس
من كبر شرهاته فلا هو بياوي
لو يدمح الزله فأنا اقول لابأس
مير البلا دايم كثير الشكاوي
