قالوا تمثل قلت في عرب الأنساب
شيخ طلع ذكره وشق الجزيره
ابن الملوك مهدية روس الأصعاب
يروون سلات السيوف الشطيره
ابن الملوك اللي للامجاد كساب
زيزوم نجد اللي يروسه وأميره
سلمان تكفى يا ذرى كل هياب
ليا قصرت عنا الحبال القصيره
يا كاسب الطالات فكاك الانشاب
يوم الرحى فوق العرب مستديره
ياما دخل بالجاه في فك الارقاب
ضارٍ على نطح الأمور الكبيره
ليا كشر البرطم وبانن الانياب
ينصاك من ضاعت عليه البصيره
تسعى ويفتح لك من الله مية باب
تفتح البيبان لو هي عسيره
شيخٍ تفتح لك مغاليق الأبواب
حيث ان صعب الراي فكرك يديره
انت الأمير ليا وصل حزم كلاب
بجاه ومال ومعنويه وغيره
اقص بشيخٍ في المهمات ينهاب
سيفٍ شطير ومن سيوف شطيره
سلمان يا غيث لشعبه والأجناب
ينصونك الأجناب من كل ديره
انته لشعبك درع وظلال وحجاب
في ظل أبو فيصل مقدي المغيره
وانت الذي ذكرك في الإعلام ينجاب
تضرب بك الأمثال في كل سيره
وانت المجرب في نهار أم غصاب
تسبق عليها في اموراً كثيره
وانته لدلو قصير البتع جذاب
تميح دلوه في البحور الغزيره
لابن الملوك أهديه وأمليه بكتاب
الله من أسباب الليالي يجيره
هذا وصلى الله على سيد الأحباب
شفيعاً فالبعث يوم الحشيره
