تستاهل الكاس يا ولد السعوديه
إفرح بكاسك ترى أفراحك هي أفراحي
يا حيّ الله رفيق المجد يا حيّه
الكاس جاء لك بنفسه وأنت مرتاحي
أخذت كاس الخليج إهناك وإهنيّه
ومن قبلها كاس زايد أبرق ولاحي
شربتهم بالبطولة شربة الميه
ما كن قدّامك إلا جن وأشباحي
هذا انت عادي ولعبك بارد إشويه
وشلون أجل لو يصيح إبريق فوّاحي
يا عالم الفرق واضح بالخليجيه
الكاس والله بنصف المستوى راحي
غنوا معي هي سعوديه.. سعوديه
ومن قال للغير قولوا أنت مب صاحي
