قال الفراق وقلت ماني بقاويه
طاري فراقك زاد بالقلب عله
يا للي خذيت القلب مني وما فيه
ارفق بقلبي يا بعد كل من له
جيتك وانا شوقي يسابق خطاويه
شوق الخليل اللي فقد شوف خله
قلب تعنى لك غلا لا تعنيه
انت الوحيد اللي له القلب كله
البعد ياما قلت لك لا تطريه
وسيف المفارق طالبك لا تسله
ودرب الفراق القلب ما كان ناويه
بس انفرض غصبٍ عليه وحصل له
وان كان طال البعد ماني بناسيه
ما فيه احد يقدر يحل بمحله
ومالي بعد فرقاه لوم ومشاريه
دام الفراق المنتظر جايز له
يروح لا يرجي حروف تناديه
خلاص انا مليت والقلب مله
قاسي حبيبي جعل ربي يجازيه
وعسى دروبه كلها مسفهله
