وشلون أعيش بغربتك لا تغربت
ما اقدر اواجه غربتك مع عذابك
لك وحشةٍ في خاطري لا تغيبت
تظلم على دنياي ساعة غيابك
يا نور عيني في غيابك تعذبت
امشي على دربك وأناجي سرابك
قفيت عني ليش عني تهربت
ولعتني واقفيت واقفت اركابك
يا هاجري ما عنك انا اليوم جنبت
ولا يردني بعدك وكثرة عتابك
اقسمت لك واقول ما غيرك أحببت
انت الوحيد اللي هواي ابتدى بك
يشيب راسي عن محبتك ما تبت
مالي وجود بدون حضرة جنابك
