اراضي بور وقبور وشعور «اللاشعور» يثور
وادون لا مبالاتي على رزنامة ايامي
خجل مدري وجل مدري عجل مدري سؤال يدور
متى او ليه او لا لا بلاش اكسر احلامي
لأن الشمس من كم يوم شحت لاتمر الدور
لأن الليل من كم ليل يحكي لي عن آلامي
لأن الجرح يبقى جرح «والطابق ماهو مستور»
تعالي ندفن الحب وسنين الحب واوهامي
تعالي لا باجي لك/ وقفتي هي هي بجنب السور
اذا السور يتذكرني باقول لطلتك نامي
على شباكك اللي قال لعيونك مساء النور
بعد ما اشتاق ليدينك وزينك يا اجمل اعوامي
ابي عينك تشوف الخاطر اللي من فرح مكسور
وابي قلبك يبل الظامي اللي لو شرب ظامي
يقولون العرب فيما يقولون «السنين تدور»
واقول ان دارت سنيني بغيرك تاقف ايامي!!
