أنا روابع خاطري خمسة أجناس
فيها شماليٍ وفيها جنوبي
جنس يمشيني مع جملة الناس
وجنسٍ على قَضي اللزوم مغصوبي!
وجنسٍ يجيله بين الأضلاع وسواس
ويعلم بسدي عالم بالغيوبي
وما دام عزم الرجل في العقل والراس
والله ما تعمى عليه الدروبي
فان كان مثل الحوت سابح وغطّاس
فتصفق به الأمواج صفق الهبوبي
فلا ريت رجلٍ عنده الفكر منحاس
فانا أنصحه لا رد بالوجه صوبي
فليا عصى عبّاس قبله ودبّاس
يختار منها الشرق والا الغروبي
لو طالت أيامه تنكس تنكّاس
وبعد الغناه يروح مثل الدبوبي
ومن فيّض الهرجه على غير مقياس
ما هوب من بين الرجال محسوبي
