يا حبيب القلب ليه أنته تصدّ
ليه ما ترحم خفوق اللي هواك
كلما قلبي يقرّب لك بودّ
كلما قلبك يباعد في جفاك
قاسيٍ والله بوضعك كل حدّ
ظالمٍ والله بفعلك يا ملاك
صرت شاطىء بين جزر وبين مدّ
ضعت مدري وين الاقي به رضاك
لا تعدّ إقلوبنا ضدٍٍ بضدّ
يشهد الله بالغلا مالي سواك
عدّ لي كل النجوم وعدّ عدّ
كل ليلة يسطع البدر إبسماك
كثرها وأكثر بعدْ بشوي مدّ
كثرها حبك بقلب اللي هواك
لا تسدّ الباب تكفى لا تسدّ
خل قلبي يفتح الباب إبغلاك
