مريت ما عندي من العود هوجاس
الطلحه اللي بالقرى من ذنوبي
ساعة نظرت الدار والفكر ينحاس
صبت دموع العين صب الغروبي
يا دار وين مثني العصب بالراس
هذا الوجار وذا مكانه يهوبي
في ضل طلحه والمناعير جلاس
ويامر على قصر الغيا لمهلوبي
ياما عركها من طليعات الافراس
وياما كلوا فيها الجنب من قصوبي
برزان مهدية الصعب قاسي الراس
ترعى بهم العرا على كل صوبي
قلت آه وا ويلاه يا ربع عباس
ويلاه يا الربع الرماه العطوبي
اللي يا اللي تجلب الغيث للناس
يا الله من المنشا تقود النصوبي
تجبر صواب القلب من عقب الاياس
واعقل علي اللي غدا من ذهوبي
أنا ذهوبي مقحمة قب الافراس
اللي على رقاب السرايا هذوبي
مدباج سمي للصوابير مرداس
من ذخر ابوي معربه بالنسوبي
وعليّ على اللي كنها عنز الاطعاس
يارد على الصابور ورد الجلوبي
واللي تعلا في ظهر كل عرماس
لا اوحى نطرهن يقطعن العزوبي
