يا رجلي اللي ما توذي على الجار
ما هي على جاري كثير غثاها
ولاني على غرة قصيري بغدار
ولا ادور الغرات عند قصراها
عذروب رجلي يا فهد شبة النار
والى لفوا ضيفان جبنا عشاها
دقيت نجر دقته بن وبهار
وشبيت نار الليل يوضي سناها
وعذروب رجلي للمناعير سبار
وتعدي المرقاب قدم خوياها
انشد صنت يوم المظاهير عبار
وقطيم يوم انا نحول وراها
وانشد خويي يوم لوذات الافكار
يوم احتمينا بوشنا من عداها
ويوم نزلنا دونها الملح قد ثار
تشدى صواعق مزنة من سماها
نعم بربعي ما بهم طق شبشار
كم جمعة صعبة كسرنا عصاها
