سلطان قايدها ونعم القياده
مادري أهني ولا اهنيك
يا منتخبنا تستحق الاشاده
أفرحتني وأفرحت شعباً يحييك
ورسمت في محياه وجه السعاده
رفعت راسي جعل ربي يقويك
وحسيت في نفسي بنشوه زياده
وعشت الفرح وأمسيت متفكرا فيك
وحطيت أمجادك بصدري قلاده
هاذي البطولة نعم تشهد لهاذيك
انت البطل وأخذ البطولات عاده
عندك أصول اللعب حنكة وتكتيك
سلطان قايدها ونعم القياده
من خلفهم نواف للخطة يحييك
يرسم دروب المجد نحو السياده
كم منتخب حاول يالخضر يجاريك
لكن قوتكم تحطم عناده
متسيداً كل الفرق من يجاريك
وكأس الخليج اليوم أكبر شهاده
مهما وصفت وقلت ماقدر أوفيك
كم شاعراً قبلي كتب لك افاده
أكيد اهني النفس وأكيد أهنيك
كأس البطولة مملكتنا بلاده
