لحظة حبيبي قبل تقتل غرامي
راجع كلامك بالوفا والرجاله
وشلون شفت الطيب بأول كلامي
ووشلون شفت الفعل فعل الاصاله
ما يجتمع بالقلب شوق وملامي
والظلم لا يمكن يسمى عداله
أبحر سفين الحب بأمن وسلامي
فل الشراع وعاتي الريح شاله
ما همني مدام سلمت عظامي
والقادم اللي عزتي من ظلاله
لك الشعور اللي بالاعماق سامي
يصعب على غدر الزمان اغتياله
أفخر بابوعز وخوال وعمامي
وخلٍ سكن باقصى الحنايا لحاله
أعيش معه بعز وأعلى مقامي
واكيد حسادي على سعد حاله
أنا حشيمه من رجالٍ حشامي
إن ما حظيت بعز ما عشت عاله
الله خلق بالكون نور وظلامي
ومن له عيون يميز اللي بدا له
