يا أمير والله كلمتك ترفع الراس
كلمة شجاع ترفع المعنويه
سمعتها يا أمير والفكر حساس
ثم شاش راسي يا زبون الونيه
سمعتها وحنا على النار جلاس
وقفت من وقع العلوم الجريه
وسقت القواقي والفكر دق الأجراس
قامت تجي من كل فج ونحيه
نوادرٍ كنها الدرر كنها الماس
نوادرٍ من فيض قرحي طريه
نوادرٍ كنها الذهب ما بها نحاس
إليا كتبت البيت يجهز خويه
قامت تزاحم والسبب طيب الساس
اللي على العليا يجهز خويه
قامت تزحم والسبب طيب الساس
اللي على العليا عزومه قويه
عبدالرحمن الفيصلي عدم الأجناس
صليب راي وعزوته وإيليه
قال الكلام اللي ما نسق بقرطاس
كلام له معنى وله قيبليه
ايقول حنا للوطن دوم حراس
نحمي حماه من الأذى والأذيه
ويقول دون الدار بنسوق الأنفاس
دون الوطن لأرواح تهدى هديه
ويقول ما يمكن تدنسه الأنجاس
مدام باقي للنشاما بقيه
ويقول مهبط وحي تأتي له الناس
اتحج بيت الله بوقت الضحيه
وحده أبو تركي على قب الأفراس
وجنحانه رجال الوفاء والحميه
ثبت ركونه واعتلى كل نوماس
والفضل للمعبود رب البريه
ومنهاجه الإسلام ما عنه مرواس
الإسلام منهاجه وسنة نبيه
قال الحقايق واضحة ما بها دساس
قال الحقايق ما نطق بالخطيه
وحنا عرب ما نستمع كل هلاس
اللي يبي يسوي علوم وقضيه
الخاين اللي شلته تضرس اضراس
أداة بيدين الدول لأجنبيه
ما منهم اللي يطعم المر بالكاس
روابع الأنذال دايم رديه
الحر ما يرضى على داره الباس
والبوم ما يمكن يزعزع طميه
وأنا قحطاني من هل الدرع والطاس
ومن الجحا در عزوتي عاطفيه
تمت وصلوا عد ما هب نسناس
على رسول الله صبح وعشيه
