لا والله الا راح شيخٍ مردد
من تو عمره.. ظاهرٍ به مواري
ما حتاج في عرفه لجدٍ.. يعدد
ثابت جدودٍ.. طيبينٍ ضواري
عاش وتوفى شيخ طيبه يردد
وسط الشيوخ.. ووسط جايع.. وعاري
حرٍ من شيوخ السناعيس حدد
وجهة مساره مع نجومٍ.. مساري
متعليٍ ما هوب نذلٍ يردد
كف الندى.. كفه.. ومده خباري
المال عنده في اجتماعه مبدد
شيخٍ على مد الجزيلات ضاري
عدَّا على راس الطويلة وسدد
للجود.. للجودى بسر وجهاري
موته بطل.. ما مات غروٍ يهدد..
لوني بعيد بموتته غصب اماري
بشته مطرَّف وبفعايله جدد
ذكر الشيوخ اللي لهم كل طاري
عديم وصف وراي بالفعل قدد
اله الدروب الموحشات الغدادي
على الفضيلة دوم بالقول شدد
عقب الفعول اللى عليها يجاري
لو عدد الاجواد.. ثم جا وعدد
ساسه يعدي فوق روس السواري..
هاك النجوم اللي بموته تودد..
يم الثرى.. يومه لجسمه يواري
ليت القدر في موتته بس.. مدد
كان المكارم صايرت له جواري
طلال لو ان المنايا.. تصدد
ان كان سقناها ولكن دواري..
ان القدر لا حل ما قد.. تمدد
عساك في جنات عدنٍ.. تماري
