يا شعار العز ياللون الخضر
من الكويت اليوم جيتوا غانمين
يا هلا يا مرحبا باللي حضر
قلتها وأقولها للطيبين
انتم أبطال الخليج ونفتخر
والبطولة من نصيب المخلصين
من فنونك يالخضر خصمك خسر
هكذا فعل الرجال المبدعين
ومن تحدى ما لقا غير القهر
كم تحد وكم وعادوا مفلسين
كأسنا يلمع به المخلص ظفر
وغيرنا دمع مع هموم وحزين
بالعلب يرمون وترمون الزهر
فعلكم هذا ترى فعل حسين
كم تحليتوا بالأخلاق وصبر
ثم تحقق مطلب للصابرين
للنشامي قلتها سر وجهر
ما ذخرتوا والفخر له سايرين
حققوا مطلوبنا وزان السمر
والفرح تلو الفرح بالعايدين
قابلوهم بالورود وبالعطر
حيوا اللي بالذهب جو راجعين
من فعل صقر ومن خلفه صقر
قلت أبوفهد وابو فيصل عوين
فعلهم شفناه وحققنا النصر
راسنا من فعلهم له رافعين
والتحايا قلتها وايضا الشكر
لتركي بن خالد وربعه شاكرين
ولجماهير كما موج البحر
انتم الأخضر للأخضر راعيين
يا شعار العز ياللون الخضر
من الكويت اليوم جيتوا غانمين
