علمٍ نهار السبت جاني صباحي
عكر مزاجي والمشاعر قهرها
من سبته دمعي من العين فاحي
وغيم على عيني وثقل نظرها
ابكي على اللي يكسبون المداحي
وألا الرخوم اتموت ما حدٍ ذكرها
ابكي فهد من طيبين المشاحي
من لابةٍ بالطيب كلٍ خبرها
روس الرجال اللي ترو الرماحي
والجار ينسأ في ذراهم خطرها
يا الله يالي لكبر اذنت ماحي
يا مكون الدنيا وخالق بشرها
تجعل فهد من كل ذنبٍ مباحي
واتثبته عند السوال وخبرها
وتعوضنا عقبه أطول اشباحي
اشباله اللي من عرينه ذخرها
والموت حق ولا عن الموت ناجي
مامور ياخذ من توقف قدرها
