قال الذي ينظم حروفٍ ثباتي
ويبدي معانيها بزينات الامثال
مثايلٍ مثل الذهب ذاخراتي
للي يعرفون المعاني والأفعال
فيها النصايح والحكم والصفاتي
للصاحب اللي يدرك الحق رجال
عندي نصيحه كان يبغي وصاتي
يحذر من اللي مجلسه قيلٍ وقال
ويبعد عن اللي ما يقيم الصلاتي
الخاسر اللي يتبع درب الانذال
ويحفظ لسانه لا يقول الشماتي
ويصون عرض الجار في كل الاحوال
وعليه باللي ما تهاب المماتي
اللي لهم في ذروة المجد مدهال
وان كان يبغي في حياته نجاتي
لا يأمن الكذاب بالمكر حيّال
مسكين يا من تتبع المغرياتي
يتبع هوى نفسه على كل مَوَّال
لو راحت الدنيا ولو كان جاتي
ما هي بتسوى يا ولد ربع مثقال
اغنم شبابك قبل فوت الفواتي
وحافظ على دينك قبل يوم الاهوال
بعض العرب شوفه يجيب الشتاتي
والبعض الآخر شوفته تشرح البال
والختم صلوا عد زرع النباتي
على النبي المصطفى خير مرسال
