ما الومك كم سنة يا نجر جزل الشعر ما دنيت
وانا وشلون الومك والجزل ما جاك مرساله
ولكنك تولم يوم شفت وللجزيل اوحيت
هذا والله جزيل الشعر والنادر ومدهاله
ابا اجاري ثلاث بحور شعر وبالقصيد ارهيت
احد غنى جزيل الشعر يوم الغير غنى له
ابو خالد حكيم المفردات اللي لها حبيت
قصيدة لا سمعته كل جرح زاد غرباله
توالا بالحزن حتى عنه لأهل الحزن وصيت
وانا ما ودي انه كل حزن يشيله الحاله
عسى عمره طويل ودعوتي له كل ما لديت
مثل دعوة المسافر مع طريق خاشع باله
وبن سلوم ذاك الشبل يا ما عنه طيب اوحيت
ترعرع في مدارس مرجله والعز ورجاله
اجل يا عابد الرحمن مال الصيت غير الصيت
وصيتك محتويه الطيب عمه شرفه خاله
وثالث بحر مد اروع قصيد وله غلا مديت
قصيد ما نسى رايه وتوجيهه ومنزاله
اي والله يالحميدي والشهادة منك وانت اوفيت
قصيدك لا كتبته يالحميدي طيب يعناله
قصايدكم قصايد وافيه بيت ينافس بيت
وجزل الشعر لا سمعه محبه قال من قاله
ولا هوشي مستغرب وصدق العلم له تثبيت
وشخص ما يقول الصدق يا هل الصدق يرثاله
قصايدكم تعيد الذكريات وتشعل الكبريت
وتكشف معجزات الشعر وانواعه مع اشكاله
قصيد لا استمع له كل شاعر قال وش سويت
هذا جزل القصيد وشاهد الشاعر ومعداله
