تعال فضه وخل الجرح والغبني
تعال وانثر غلا شوقي وتحناني
تعال ياللي بك الاشعار تطربني
تعال بقرأ قصيدك وانت تقراني
الشعر لو ما كتبته فيك يكتبني
يمكن لانه يلامس جرح وجداني
مليت لحن الطعون اللي تجاذبني
ما بين هذا وذاك ونزف قيفاني
تعال يا ضحكة ايامي وعاتبني
تعال يا اول بساتين الغلا الداني
تعال ملت عيون منك تقربني
تعال ما للعيون اوطان يا اوطاني
تعال فله وخل الجرح والغبني
تعال وانثر غلا شوقي وتحناني
