يا رمزنا نتعب بقولٍ نقوله
نرضيك وإلا نعترف بالحقيقة
النصر دربه ما يجيب البطوله
وشكلك مصرّ إنك تكمّل طريقه
والنصر فارس يركب أطيب خيوله
واليوم يركض ها لرئيس بفريقه
والنصر نادي منهو اللي يطوله
واليوم طالوا ثمّ شبّوا حريقه
والنصْر وادي يجرف اللي بحوله
واليوم كاسٍ ينشرب في دقيقه
والنصْر ذيبٍ يفترس في سهوله
واليوم ذيبٍ مير داخل حديقه
والنصْر (سهمه) هو صديق الطفوله
واليوم نصرك مختلف مع صديقه
والنصْر (فهده) علّمه هالرجوله
واليوم ينكر هالجميل إل رفيقه
اللي حصل أنت السبب في حصوله
نقولها واقلوبنا مستضيقه
وإلا ترى حكّامهم وقّفوا له
لوكنت تزعل من كلام الحقيقه
جمهورنا ما همه اللي تقوله
يبي رئيسٍ ينتصر مع فريقه
