يا قلب لا تشكي ظروفٍ تبلتك
اكتم هموم خلفت جرح دامي
ولا تسلك دروب عن الطيب شلتك
ولا تجتنب درب الرجال الحشامي
امش بطريقك وانت عالم بقيمتك
ولا تلتفت لهروج ما هي تمامي
واحكم لسانك حين تنطق بهرجتك
وكم زلةٍ تسببت بالهدامي
ودنياك عن درب السعادة اضلتك
والحق حق ولا يبي له كلامي
وكثرت ملاهي من هل الغرب والهتك
وخلتك ضايع بين عج وعسامي
وسنة محمد بآخر الدرب وصتك
وسنة محمد هي أساس السلامي
استغفر الله عن ذنوبك وزلتك
وقل يا ولي الكون حسن الختامي
