ابيك وينك يا شقاي وعذابي
ابيك وينك تنقذ الروح فيني
لايا سبايب موت زهرة شبابي
عقبك ترى ضاق الفضاء وسط عيني
ناشدتك الله لا يطول الغيابي
ناشدتك اللي بالغلا مبتليني
تعال نفتح للمواصيل بابي
تعال انا هم العرب محتويني
مشتاق لك شوق الثرى للسحابي
ومحتاج لك ليتك تحس وتجيني
الحق عليَّ ان كان شي بقابي
واعطف عليَّ.. وحل قيدٍ بيديني
لا ما اتحمل جرح انا فوق ما بي
يالمبتعد يكفي جروح السنيني
وين انت مدري.. فيني الصبر شابي
الله يعلم بس.. وينك وويني
